قصه أربع بنات------

قصة اربع بنات بسوق السويكت بالخبر**
**قصة اربع بنات بسوق السويكت بالخبر**
------------------------
هذا الموضوع صار من سنتين بالخبر في المنطقه الشرقيه , وكنت على موعد مع صديقي على العاده ,كل اربعاء يمرني بعد صلاه العشاء نتمشى,الى الساعه عشر ونتعشى , وبعد العشاء نستاجر افلام , ونروح البيت ونسهر عليهم الى صلاه الفجروفي هذا اليوم اختلف البرنامج تماما , مرني صديقي وطلعنا وسوالف ,وقال صديقي بمر السوق الي هوشارع السويكت ,قلت له لا لاتروح هناك , قال يارجال نتفرج , قلت اليوم اربعاء وزحمه واكيد هيئه هناك, قال وش علينا كل العالم تروح المهم رحنا .



دخلنا السوق وكان مزحوم وكانت الهيئه موجوده وبشكل كبير, المهم اخذنا لفه وحده وكان قلبي مش مرتاح قلت فيه شي او راح يصير لنا شي وانا من النوع احس اذا فيه شي ودايم سبحان الله يطلع احساسي صحيح, المهم وحنا في اللفه الثانيه رحنا مع شارع كله خياطين وهناك لقينا سيارتين للهيئه واقفين متخفين بعيد وكنهم يراقبون احد, قلت لخويي قلبي قابضني فيه شي بيصيرلا تترك الشارع هذا خذ لفه ثانيه المهم وحنا في اللفه الثانيه الا الشارع,,,فيه زحمه وصوت وكلام عالي , قلت افتح الباب واوقف اشوف ,الا واحد من الهيئه يصارخ على اربع بنات وحده منهم تصارخ عليه , وشوي الا ويقول لها : ماقدر امد يدي عليكي خليها تجي بالطيبه, وهي تقول : انت خليت فيها طيبه؟ المهم قال شغلك معاي , قالت البنت : اسبق خيول ابوك اركبه واذا انت رجال الحقني .المهم ركبوا السياره , ويقول لاخوياه وراهم ولا تتركونهم , وقمنا حنا لفينا يمين وقمنا نتفرج, وانطلقت السياره الي فيها البنات ومسرعين على الكورنيش ووراهم سياره الهيئه وحنا ومعانا سيارات ثانيه نلحقهم , المهم السيارات مسرعين وياساتر على السرعه وانا وخويي الغبي اقول له هدي السرعه وانا خايف من جد لان صديقي اندمج وهو يلحق السيارات وانا يافلان اتركهم وش علينا منهم , وهو هذا تخصصه. المهم وحنا وراهم جاء الدوار الكبير حق الكورنيش وسرعه سياره البنات جنونيه وسياره الهيئه بنفس السرعه وقرر يجي جنبهم وسواق البنات تفاجا وشوي الا وهو فوق الدوار وتنقلب سياره البنات وفيه بنت من قوه الانقلاب طارت من السياره وهي بدون العباه, واخيرا وقفت السياره بعد اربع قلبات وسياره الهيئه صدمت في الدوار ولا انقلبوا , وانا هنا وقف شعر راسي وجاتني مثل الدوخه , وخويي وقف السياره ونزل قلبه قوي , حتى انا قلبي قوي بس منظر البنت سبب لي مشكله لمده سنه



وشوي ونزلت ورى صديقي وعاااااالم واقفين , والي يسوق سياره الهيئه واقف يبكي وحاط ايده على راسه , وبعض الشباب جزاهم الله خير يبون يشيلون البنات , قمت انا وكم واحد غطيناهم , وماندري هم احياء ولا اموات . وبالصدفه نزل واحد كان مع زوجته واولاده طلع دكتور وجاء مسرع وقام يكشف على البنات وحده وحده واخر شي راح للبنت الي طارت اثناء الانقلاب وقام من عند البنت ووقف والعالم كلها تناظر فيه ونزل راسه قال : الله يرحمهم كلهم , وهنا العالم انبهروا وترحموا عليهم وغطيناهم كلهم , شوي الا جاء واحد يطالع في سياره البنات يمين وشمال وراح وشاف رقم اللوحه وقام يبكي ..... قال له واحد تعرفهم ؟ قال له يقربون لي . فقال له الرجال تعوذ من الشيطان . قال : الا يقربون لي . قال الرجال طيب اكشف على وجيههم . قام وكشف على وجه بنت من وحده الى وحده وعرفهم طلعوا البنات الاربع :



بنت السبيت ووحده بنت الهاص والثالثه بنت الديمن والرابعه بنت الشيريه. بنات ورقه اللعب حقت البيلوت

الله لا يحرمنا من جديدك